Hong Zang In | PHATNA LATE

Phuak: David Kham

Verse 1

Ni leh kha hun hoih tampi,
Satan in hong zolzol a
Leitung lungnop na zong in
Siatna nam cin in hong tuam

Zatam te'n mel hong ma ta,
Pampaih mi, kahih lai in
Sian in hambang in honghuai,
Minthang khawm ve ni hongci

Chorus

Leivui pan hong lamto a
A khamkhut tawh hongzut hi
Milian te tawh hong ki khawlsak a
Ama mite milian in bawl

Topa aw, Na hun a cin dong
Hong ngakzo sak in aw
Na minthan' na ding in,
Nadeih bang hongzang aw

Verse 2

Khuakhal huihkhi in (a)sembang
Neih leh lam teng hong bei ta,
Simzawng vakvai ka hih lai,
Zaitha patbang a nem lai

Thoto in kata hong ci
A thahat kata hong ci,
Nangmah kong ompih ding hi,
Keima nasem in hong ci

Verse 3

Pilna siamna neilo a,
Kosiat na ka thuak laitak
Hopihna aw khat ka za,
Pilna kong pia ding hong ci

Thagum hatna hang hilo,
Galkap tampi hang hilo
Keima kha zaitha bek tawh,
Nangma na tun ding hong ci