Key: G
1. Topa aw kong muang hi, nangmah bek kong muang hi,
Hi leitung nuntakna lungmuan om theilo pi,
Up theih muan theih dingin lungsim hemlam tam si,
Hi leitung ka nun sung nangmah bek kong muang hi.
Chorus
Kei hong sungin, kei hong liahin ka honpa aw
Ka suangpi aw bit takin na kha lim hong sel aw....
Lung muanna huang sungah tawldamna lim sungah,
Hong lenin hong kha in na ang sungah lungmuang
takin hong khawl sak aw.
2. Mite muan ding sangin Topa muan hoih zaw hi,
A muang mite lampi Topa’n hu in kem hi,
Hong paisan ngeilo hi, hong nusia ngeilo hi,
Hi leitung ka nun sung,Topa bek kong muang hi.
3. Hong thei khial ngeilo hi,hong tel khial ngeilo hi,
A mah muanna sung ah dahna khempeuh veng hi,
Hong en khial ngeilo hi, hong ho khial ngeilo hi,
Hi leitung ka nun sung Topa bek kong muang hi.