Key: D
1. Nisim ka nuntakna tu ciang dong
neek leh dawn ding nong pia a,
Diik ding huih siangtho manngen lo in nong pia,
Silh leh teen ding zong nong pia lai a,
Ka nunna nong dam sak a,
Tua Topa itna gengen in sasa mai ning.
Tul ngeilo Topa itna phat den ning,
Nisim nai sim phat den ning,
It bang lo kei bang lel hong it man phat tawntung ning,
A tawntung tawntung hong itna phat den ning,
Khawl ngeilo in phat den ning,
Lamdang hong itna thu gengenin sasa mai ning.
2. Leitung siatna ah ka puuk loh nang
itna khut tawh hong len a,
Ka thanem hun ciang mu van lai tha hong guan,
Lungzinna meiipi bang hong kaii ciang
A man hong theng sak den a,
Tua Topa itna gengen in sasa mai ning.
3. Lungdam ing Topa nang tung nuam ing,
Kei bang lel nong it zenzen,
Mi za tam lai ah kei nong phawk khak zenzen,
Kei nong it ding leh nong phawk dingin,
Kei bang hi lellel ka hiam?
Tua Topa itna gengen in sasa mai ning.