Key: Bb
Verse 1
Topa nang omna peuhah,
Ka kha in zong nuamsa hi,
Vul-in kunkun kha kun cih om ngei lo,
Zingdai nomlai pakpalh bang,
Lungtai etlawm nuihmai-in,
Nang omna peuh ka kha in nuamsa hi.
Chorus
Nang omna peuh ka kha in nuamsa hi.
Sun leh zan a tawntungin,
Kei khamuanna nang na hi.
Verse 2
Topa nang omna peuhah,
Lawmhoih khat nei gige ing,
Nangma sunglo bukna ding ken neilo,
Sunkim ka lunggulh pen nang,
Zanciang ka zalmang na hi,
Nang omna peuh ka kha in nuamsa hi.
Verse 3
Topa nang omna peuhah,
Lungnop suahtakna om hi,
Huatna enna kitotna om ngei lo,
Heina peuhlah maitaina,
Sepna peuh-ah lungkimna,
Nang omna peuh ka kha in nuamsa hi.
Verse 4
Ka gumpa leh ka Topa,
Ka belh suangpi nang na hi,
Nisim hong liah hong dal ka suangpi aw,
Cimawh meigong tagahte
Ading lawm hoih pen na hi,
Nang omna peuh ka kha in nuamsa hi.