Zeisu hi | PHATNA LATE

Phuak: CK Khai | Sa: Rody Za Lien Sing | Youtube

Migilo te bawlsiat thuak in
Sisan nai san tawh ki dim in
Huhding neilo mipa khat
Lampi ah om

Siampi lian pan hong muh ciangin
Lamnawl tawn in hong pai san aa
Levi mipan zong
Don lo in pai san hi

Sanggam aw lungngai kik dih in
Sim mawh bawlsiat nate thuak in
Huhding neilo lampi ah
Na puk hun ciang

Na muan ten hong
Ki muh mawh bawl in
Na lam et ten hong tai san zong
Nang hong tai san lo
Hong nusia lo khat om

Tua in hong it Zeisu hi
Sun leh zan in hong kem a
Ih phawk khak loh hun ciangzong
Hong nusia lo

Lampi ah bawlsiat thuak in
Liam leh bai in ih phuk ciang
A man hong phong in
A liangko tung hong puah hi

Na nat ciang hong damsak ding a
Na dah ciang heh hongnem ding a
Na zawng khal hun ciang
Hong thakhauh sak ding a

Na lungkham na kuampi khempeuh
Lametna hongsuak sak ding hi
Na galte mai ah
Gualzawhna hong pia ding

Na ihmut sung kal na ngawn in
Vangtung miten hong cing ding a
Na khan lawh ciang zong
Na pai nang hong hilh ding

Gimin tawl in na bah hun ciang
Muvan lai tha hong guan ding a
Dahna meipi te
Hong kantan pih ding hi