Ni leh kha hun hoih tampi,
Satan in hong zolzol a
Leitung lungnop na zong in
Siatna nam cin in hong tuam
Za tam te mel hong ma ta,
Pampaih mi, kahih lai in
Sian in ham bang in hong huai,
Min thang khawm ve ni hong ci
Lei vui pan hong lam to a
A kham khut tawh hong zui hi
Mi liante tawh hong ki khawl sak a
Ama mite mi lian in bawl
Topa aw,
Na hun a cin dong
Hong ngak zo sak in aw
Na minthang na ding in,
Nadeih bang hong zang aw
Khua khal huih,
khin in sep bang
Neih leh lam,
Teng hong bei ta,
Sim zawng vak vai ka hih lai,
Zai tha pat bang ci nem lai
Thoto in ka ta hong ci
A tha hak ka ta hong ci,
Nang mah kong ompih ding hi,
Kei ma nasem in hong ci
Pilna siam na nei lo a,
Ko siat na ka thuak laitak
Hopihna aw khat ka za,
Pilna kong pia ding hong ci
Tha gum hatna hang hilo,
Gal kap tampi hang hilo
Kei ma kha zaitha bek tawh,
Nang ma na tun ding hang ci