Verse 1
Itna sisan luangin
Ka tatsa mite
Khuamial gimna sungah
Kahna aw ka za
Laina in Ka khi luang,
Kuasawl ding Ka hiam?
A mangthang khate kua’n pikhia ding hiam?
Chorus
Topa’n nang hong sam
lainatna aw tawh
Ka na sem dingte tawm lua e
Mangthang khate kiang
Itna thugen ding
Nang hong sawl ning e,
Na hi zo diam ci.
Verse 2
Na neih na lam khempeuh
Kong piaksa hi a
Khat zong siitloin la kik theipa ka hi
Hizong la kik kei ning
Naphal bang pia in
Van ah nong ciah ciang
Na hawmthawh kha dia.
Verse 3
Na tuai lai-in sem in,
Tumbang nahuai ding
Na neihlai pia in
beina hun hong tung ding
Ngal leh sa haksa in
Buaina’n honglap ding
Sep theih lai sem in
Khua hong mial ding hi.